امي
القصيده مستوحات من قصه حقيقيه لشاب عراقي فقد والدته بانفجارولم يجد لها جثه فأنشدمخاطبآ والدته والملك عزرائيل قائلا....
ســـــــلاما للمـــلك بس عتــــــــــب وياه
وســــــــــلام هواي جفية امي امانه
قـــــــــــدر الله صــــــــحيح ولازم الكاه
وكلشـــــي بســــــاعته وكلشي بمكانه
بــس ادري الي يموت اتشـــيله الاحباب
وكلهه تســــولف بطيبــــه وحـــــنانه
انه امي شــــــــــضايا ومالكيت اعضام
بـــــــــــــــــس خاتم لكيت امي امانه
وشـــــيعنه المحابـــــس يمه عد عيناج
وشــــــــــــلنه الجفوفنه الجانت دعانه
صبرك يا ملــك بس اريد اودع المات
هـــاي امي الحـــــــــــــــنينه وهذا انه
راحـــــــــــت ونكظت كل ذيج الايام
وراح الجـــان مايخلــــــه مكانـــــــــه
يا ايــد التعوض ذيــج الجفــــــــوف
وياهو اليعوض الام بحــــــــــــــــــنانه
يا يمه الدنيا ظلمه وما اشــوفن زين
وا نتي شــــموع تضوين بســـــــــــمانه
يمه الاســــــد طاح وهدعليه الذيب
جي ظهره انكســــــــــــــــر وفتر زمانه
بـــــــس وداعتج يا يمه ما انذليت
ولا اقبــــــــــــــــــــــل رزاله ولا مهانه
انه ابنج الازامط بيج وكت العوز
بعـــد بعــــزته وقـــدرته ومــــــــــــكانه
يمــــه وداعت الله الكون كله وياج
وياريت العـــــــمر ماحط مـــــــــــــــــكانج